ବାଇଚଢେଇଟେ ମୁଁ
ବାଇଚଢେଇଟେ ମୁଁ
ବାଇ ଚଢେଇଟେ ମୁଁ ଯେ
ହଲୁଥାଏ ଖୁସିରେ
ମନହେଲେ ଗୀତବୋଲେ
ମୋ ବସା ରେ ବସି ରେ ।
ବାଆ ଅବା ବତାସରେ
ହୁଏନି ମୁଁ ଛାନିଆ
ବସା ରେ ମୋ ଝୁଲି ଝୁଲି
ଦେଖୁଥାଏ ଦୁନିଆଁ ।
ରାତିଯେବେ ପାହିଯାଏ
ଉଇଁ ଆସେ ସୁରୁଜ
ଆକାଶ ରେ ବୁଣିଦିଏ
ନାଲି ନାଲି ମୁରୁଜ ।
ଗଛଡ଼ାଳୁ ଥୀରକିନା
ପତ୍ରଟିଏ ଝଡ଼େଇ
ଶେଜ ଛାଡି ଉଠି ପଡେ
ଡେଣା ଫଡ ଫଡ଼େଇ ।
ନାଲି, ନେଳି ନୀଳ ଫୁଲ
ବଗିଚାର ଉହାଡେ
ଡେଣା ମେଲି ଉଡ଼ିଯାଏ
ମନ ହୁଏ ଯୁଆଡେ ।
ଭୋକ ହେଲେ ପୋକଜୋକ
ଖୋଜିଖୋଜି ଖାଏ ମୁଁ
ଖୁସିମନେ ଜଗତର
ଶୋଭା ଦେଖୁଥାଏ ମୁଁ ।
କୁନି ସିନା ଦେହମୋର
ସଫା ମୋର ମନଟି
କାହା ସହିତ ରେ ମୋର
କଳିଗୋଳ ନାହିଁଟି ।
ମନତଳେ ଟିକେ ମୋର
ନଥାଏ ତ ବଡେଇ
ହସି ହସି ଝୁଲୁଥାଏ
ମୁଁ ଯେ ବାଇଚଢେଇ ।