Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lokanath Rath

Romance Tragedy

3  

Lokanath Rath

Romance Tragedy

ଅତୀତ କୁ ଖୋଜୁଛି

ଅତୀତ କୁ ଖୋଜୁଛି

2 mins
202



ଆଖି ବନ୍ଦ କରି ବସି ବସି ଯେବେ ମୁଁ ଭାବେ, 

ଏମିତି କାହିଁକି କେଜାଣି ସବୁ ତ ମୁଁ ଭୁଲୁଛି ଏବେ ।


ବେଳେ ବେଳେ ବଡ଼ କଷ୍ଟ ଦିଏ ଯେବେ କିଏ କହେ, 

ଏ ତ ବୟସ ର ଦୋଷ, ଆଖିରୁ ଲୁହ ମୋର ବହେ ।


ଭାବେ ସତରେ ମୁଁ ଭୁଲି କି ଯାଇଛି ଏବେ ସବୁ, 

ମନକୁ କହେ, ତୁ ଟିକେ ଭଲା ମୋତେ ବୁଝାଇ କହିବୁ ।


ମନ କହେ ଏତେ କିଆଁ ତୁ ଏବେ ହେଉଛୁ ବ୍ୟାକୁଳ, 

ସବୁ ପରା ଏଠି ସେହି ଦଗାଦିଆ ସମୟ ର ଖେଳ ।


କେବେ କେବେ ସମୟ ତ ରଚିଥାଏ ଅଦଭୂତ ଖେଳ, 

ତା ସଙ୍ଗେ କାଳ ବି ଦେଇଥାଏ ନାଚି ନାଚି ତାଳ ।


ଭଲ ତ ହୋଇଛି ଯେବେ କେହି କହେ ଭୁଲି ତୁ ଯାଇଛୁ, 

ଭାବି ଭାବି ସେହି କଥା କାହିଁକି ଦୁଃଖ ତୁ କରୁଛୁ ।


ଯାହା କିଛି ବିତି ଗଲା, ସେ ତ ଫେରିବ ନାହିଁ, 

ସବୁ ସେହି ସ୍ମୃତିରେ ଅଛି, କିଛି ବି ଲିଭି ନାହିଁ ।


ହଁ, କିଛି କଥା ତା ଭିତରେ ଏବେ ଲୁଚି ରହିଛି, 

ସେବେ ବି ସେ ଲୁଚି ଥିଲା, ଅକୁହା ହୋଇ ଯାଇଛି ।


ସେ ତ ସବୁ ଥିଲା କିଛି ବେଦନା ଯାତନାର କଥା, 

କିଛି ଥିଲା ବିରହ ବିଚ୍ଛେଦର ଦୁଃଖର ଦାରୁଣ ବ୍ୟଥା । 


କିଛି ଥିଲା ଖଟା ଖଟା କଥା ସେ ତ ଚପଳତାର, 

ରହି ଗଲା ସେ ତ ଅଂଶ ହୋଇ ଅକୁହା କଥାର ।


ସାଥୀ ମୁଁ ମନ ସଦା ଅଛି ଦେଖ ତୁମରି ସାଙ୍ଗରେ, 

ସତ ମୁଁ କହୁଛି, କିଛି ନାହିଁ ଦୋଷ ତୁମ ବୟସରେ ।


ଲୋକଙ୍କର ଅଭ୍ୟାସ ସଦା କିଛି କିଛି ସେ କହିବେ, 

ତୁମେ କିଛି କୁହ ଅବା ନକୁହ, ତୁମ ଦୋଷ ଦେବେ ।


ତଥାପି କହୁଛ ଯଦି, ଖୋଲୁଛି ମୁଁ ସ୍ମୃତିର ଏବେ ଦ୍ୱାର, 

ସେଠାରେ ତୁମେ ଯାଇ ସବୁ କିଛି ଏବେ ଦେଖିପାର ।


ମନ ଠାରୁ ଶୁଣି ସବୁ ମୋତେ ବଡ଼ ହାଲୁକା ଲାଗିଲା, 

ତଥାପି ସ୍ମୃତିକୁ ଯାଇ ସବୁ କିଛି ଦେଖିବାକୁ ଇଚ୍ଛା ହେଲା ।


ହସି ଦେଇ ଆଖି ବୁଜି ମୁଁ ଧୀରେ ଧୀରେ ଯାଉଛି, 

ସ୍ମୃତିକୁ ଯାଇ ଏବେ ମୁଁ ମୋର ଅତୀତ କୁ ଖୋଜୁଛି ।


Rate this content
Log in