ଅର୍ଥ
ଅର୍ଥ
ଅର୍ଥ ହିଁ
ଜୀବନର ଅର୍ଥ-
ପରିବର୍ତ୍ତନ କରିଦିଏ,
ନିଜକୁ ବୁଝିବା ଆଗରୁ
ନିଜ ପରିବେଶ ସହ
ପାରୁ ପର୍ଯ୍ୟନ୍ତ ଲଢ଼ିବାକୁ ହୁଏ ।
କର୍ମରୁ ସଫଳତା ଯାଏଁ
ଜୀବନ ଯନ୍ତ୍ରଣାକୁ ପ୍ରେରଣା ମଣି
କେଇପାଦ ବଢିବାକୁ ହୁଏ ।
ଆଶା, ଇଚ୍ଛା ଦୂର ଆକାଶର ଜହ୍ନ
କୋଳେଇ ନେବାକୁ କାଳ କମିଯାଏ
ଉପଭୋଗ କରିବାକୁ ହୁଏ
କିଛିଟା ଉଦାହରଣ ।
ମାନ, ଅଭିମାନ ଅର୍ଥ ହୀନ
ପାଇବାର ମୋହ ଶ୍ରାବଣର କୋହ
ସବୁ ଦେଖି ମୂକ ବନିଯିବାର ହୁଏ,
ଅସମ୍ପୂର୍ଣ୍ଣ ଶୈଶବକୁ ସମର୍ପିବା ଆଗରୁ
ନିଜକୁ ପଥରଟେ ପରି ଗଢିବାକୁ ହୁଏ !
ହସ-ଖୁସି, ଆଶା-ନିଶା ଏକାକାର ହେବାରୁ ବଞ୍ଚିତ
ସବୁରି ମୂଳରେ ଅର୍ଥ ହିଁ ବାଧକ ।।