ଅଫେରା ଅତୀତ
ଅଫେରା ଅତୀତ
1 min
198
କେଉଁ ଦୋଛକିରୁ ଛାଡିଛୁ ତୁ'ହାତ
ରହିଲୁଣି କେତେ ବାଟେ
ଆଜି ବି ମୋ ମନ ସେଇଠି ରହିଛି
ତୋ'ସ୍ମୃତି ଯେତେ ସବୁ
ମୋ ହୃଦୟରେ ମଥା ପିଟେ ।
ନାହିଁ ଆଉ ସେହି ଫୁଲର ସୁରଭି
ତୁ'ଯେବେଠୁ ଗଲୁଣି ଚାଲି
ମଳୟ ବି ମୋଠୁ ମେଲାଣି ନେଲାଣି
ସମ୍ପର୍କ ସଉଦା ସାରି ।
ଝଙ୍କାଳିଆ ଗଛ ହୋଇଲାଣି ଥୁଣ୍ଟା
ନାହିଁ ଆଉ ପକ୍ଷୀ ବସା
ଅତିଥି ମାନେ ବି ବାଟ ଭାଙ୍ଗିଲେଣି
ଏଠି ଆଉ ନାହିଁ ଛାଇ ମିଳିବାର ଆଶା ।
ଝାପ୍ସା ଦିଶିଲାଣି ଅଫେରା ଅତୀତ
ନଇଁ ଆସେ କାଳ ରାତି
ତୋ'ଜୁଈ ସିନା ଥରୁଟେ ଜଳିଲା
ମୋ ଜୁଈ ଜଳୁଛି ନିତି ।