ଅନୁତାପ

ଜ୍ଞାତ ଅଜ୍ଞାତରେ କରିଥିବା ଭୁଲ୍ ପାଇଁ

ବେଳ ଥାଉ ଅନୁତାପ କରିନିଅ ଭାଇ

ସମୟର ଗତି କା' ପାଇଁ ଅଟକେ ନାଇଁ

ଅତି ମୂଲ୍ୟବାନ ୟାକୁ ଭୁଲିଯାଅ କାଇଁ।

ଅନୁତାପ କରି ମହାଦସ୍ୟୁ ରତ୍ନାକର

ହୋଇଲେ ବାଲ୍ମିକୀ କରି ଜ୍ଞାନ ଅଧିକାର

ଅନୁତାପ ଅନଳେ ଜାଳି ପାପ ନିଜର

ପାଲଟିଲେ ମହର୍ଷି ସେ ତ ସନ୍ଥ କୁଳର।

ବଡ଼ପଣ ନିହିତ ଥାଏ ଅନୁତାପରେ  

ସୁଧୁରି ଯିବାରେ ଆସ ଏଇ ମାଧ୍ୟମରେ

ନୂଆ କରି ଆରମ୍ଭିବା ସବୁ ଆଉ ଥରେ

ଆଗେଇ ଯିବା ମିଳି ସମ୍ଭାବନା ପଥରେ।

ପୂଣ୍ୟାତ୍ମା ଜନ ସଦା ଆଦରି ଅନୁତାପ

ପ୍ରାୟଶ୍ଚିତ କରି ଭୁଲାନ୍ତି ନିଜ ସନ୍ତାପ।