ଅନଲାଇନ ଶିକ୍ଷା

ଏମିତି ଆସିଲା ଏଇ ଯେ କୋରୋନା,

ସଭିଙ୍କୁ କରିଲା ଘାଇଲା.

ରୋଗର ଡରରେ କେବେ ପ୍ରଭାରେ,

କେତେ ନିରୀହଙ୍କୁ ମାରିଲା ।

ପ୍ରକୃତିକୁ ନେଇ ଏ ମଣିଷ ଜାତିଟା,

ଖେଳୁଛି ଜାତି ଜାତିକାର ଖେଳ.

ଯେତେ ଦୁଷ୍ଟ ବୁଦ୍ଧି ସବୁ ଏକାଠି ହୋଇଣ,

ପୃଥି ନାଶିବାକୁ କରିଛନ୍ତି ପରା ମେଳ ।

ନିଜେ ତ ମରିବେ ସାଙ୍ଗରେ ଅନ୍ୟକୁ ମାରିବେ,

କିଏ ବୁଝାଇବ ଏବେ ତାଙ୍କୁ କୁହ.

ଭାଇ ଏ ରୋଗଟାର ଯାହା ହେବା ହେଉ

ବଢିଛି ଅନଲାଇନ ଶିକ୍ଷାର ମୋହ ।

ମଧୁଆଟା ସିନା ମଦ ପିଇ ପିଇ,

ତା ଅଧା ଜୀବନଟା କାଟି ଦେଲା.

ହେଲେ ଏ କୋରୋନା ପାଇଁଟି ଅଧା ବୟସରେ,

ତା ପୁଅଠୁ ମୋବାଇଲ ଧରିବା ଶିଖିଗଲା ।

ଘରେ ପଛେ ନଥିଲେ ନଥାଉ ,

ଖାଇବାକୁ ଦାନା କାହାର ମୁଠାଏ.

ସରକାର ଆମ କହିଛନ୍ତି ଅନଲାଇନ ପଢ଼,

ହେଲେ ଦିଅନ୍ତିନି ମୋବାଇଲ ଗୋଟାଏ ।

ତଥାପି ଖୁସିରେ ଡେଉଁଛି ମଧୁଆ,

ପୁଅ ତାର ନୂଆ ମୋବାଇଲରେ ପାଠ ପଢୁଛି .

ଘର ଚାଳ ପଛେ ତାର ଅଛିଆ ରହୁ,

କିଛି ଗୋଟେ ନୂଆ ଶିଖିବାକୁ ମିଳୁଛି ।।।