ଅନ୍ଵେଷଣ
ଅନ୍ଵେଷଣ
ଧନ ହଜିଗଲେ
ମିଳିଯାଏ ସିନା
ମନ ହଜିଗଲେ ମିଳେନା,
ହଜିବା ମନକୁ
ଖୋଜିବା ପାଇଁକି
ସାରା ଜୀବନଟା ଅଣ୍ଟେନା।
ନଦୀ ହଜିଗଲେ
ସାଗର ବୁକୁ୍ରେ
ପରିଚୟ ତା'ର ମିଳେନା,
ଆତ୍ମା ମିଶିଗଲେ
ପରମାତ୍ମା ଦେହେ
ଶରୀର ସେ ଆଉ ଖୋଜେନା।
ମଧୁ ମଳୟରେ
ସୁରଭି ମିଶିଲେ
ଫୁଲ ତା'କୁ ଖୋଜି ପାରେନା,
ଲୁହ ଭିଜିଗଲେ
ପଣତ କାନିରେ
ଆଖି ତା'କୁ ଖୋଜି ପାଏନା।
କଳା ମେଘ ଦେହେ
ଚପଳା ହଜିଲେ
ଆକାଶ ତ ଖୋଜି ପାରେନା,
କ୍ଷୀର ସାଥେ ନୀର
ହୋଇଗଲେ ଏକ
ସୁସଙ୍ଗ ପରାୟେ ତୁଟେନା।
ଚିନ୍ତା କୋଳେ ଯଦି
ନିଦ ଯାଏ ହଜି
ମଣିଷ ଖୋଜିଲେ ପାଏନା,
ସିମନ୍ତିନୀ ମଥା
ସିନ୍ଦୂର ହଜିଲେ
ଏ ଜୀବନେ ଆଉ ମିଳେନା।
ପ୍ରଭୁ ପାଦପଦ୍ମେ
ହଜିଗଲେ ମନ
ଭକତ ଖୋଜିଣ ପାଏନା,
ଭକ୍ତ ଭଗବାନ
ହୋଇଯାନ୍ତି ଏକ
ହଜିବାରେ କିବା ଶୋଚନା !