ଅକ୍ଷୟ ତୃତୀୟା
ଅକ୍ଷୟ ତୃତୀୟା
ବୈଶାଖ ମାସ ଶୁକ୍ଳ ତୃତୀୟା ତିଥି
ଅବସ୍ଥିତ ରବି ଚନ୍ଦ୍ର ଏକା ରାଶି
କୃତ୍ତିକା ରୋହିଣୀ ନକ୍ଷତ୍ର ପଡ଼ିଲେ
ଘରର ଗୃହିଣୀ ରୁହନ୍ତି ବ୍ରତରେ
ଅକ୍ଷି ମୁଠି ଧରି କୃଷକ ବିଚରା
କ୍ଷେତରେ ପାଳଇ ଅକ୍ଷୟ ତୃତୀୟା
ହଳକରି କ୍ଷତେ କାଳିଆ କସରା
ମନେ ଭରନ୍ତି ଖୁସି ଯେ ଅପାଶୋରା
ବିହନ ମୁଠିକ ଛାଟି ତା ମୁଠିରେ
ଚାଷି ଚାଷ କାର୍ଯ୍ଯ ଅନୁକୂଳ କରେ
ସର୍ବ ଶୁଭାଶୁଭ ଅକ୍ଷୟ ତୃତୀୟା
ଏହିଦିନେ ଶୁଭ କାର୍ଯ୍ଯ ହୁଏ ଭଲା
କୃଷକ ଦିବସ ଚାଷୀ ଭାଇଙ୍କର
ହଳ ଲଙ୍ଗଳ ଶ୍ରେଷ୍ଠ ଅସ୍ତ୍ର ଯେ ତାର
ହଳଧର ପ୍ରଭୁ ରେବତୀ ରମଣ
କରନ୍ତି ବିବାହ ରେବତୀ ସାଙ୍ଗର
ବଦ୍ରିନାଥଙ୍କର କବାଟ ଖୋଲଇ
ଅକ୍ଷିତୃତୀୟାରେ ଆନନ୍ଦ ଲାଗଇ
ଜନ କୋଳାହଳ ଭିତରେ ଭକତ
ଦର୍ଶନ କରନ୍ତି ସେହି ପ୍ରଭୁ ପାଦ
ସୁନା କୁରାଢ଼ୀରେ ଶୁଭ ଅନୁକୂଳ
ପବିତ୍ର ରଥ ସେ ଦାରୁ ଦିଅଁଙ୍କର
ରଥ ଖଳା ସଙ୍ଗେ ଶ୍ରୀକ୍ଷେତ୍ର ଗହଳ
ଇଚ୍ଛା ଭରେ ସେ ଦରଗଢା ଠାକୁର
ଅକ୍ଷୟ ତୃତୀୟାର ଚନ୍ଦନ ଚାପ
ବିଜେ ହୁଅନ୍ତି ଯେ ମଦନ ମୋହନ
ଚନ୍ଦନ ଯାତ ଆଜି ଠାରୁ ଆରମ୍ଭ
ଚାପରେ ଖେଳନ୍ତି ପ୍ରଭୁ ଶ୍ରୀଗୋବିନ୍ଦ
ଶ୍ରୀମନ୍ଦିର ଠାରୁ ନରେନ୍ଦ୍ର ପୋଖରୀ
ବିଜେ ହେବେ ଦିଅଁ ବଡ଼ଦାଣ୍ଡେ ହଲି ll