ଅଜଣା ସ୍ପର୍ଶ

ଛାଇ ଛାଇ ନିଦରେ ମୁଁ ଯେତେବେଳେ ଶୋଇଯାଏ ,

ତୁମେ ମୋ ମନର ଦରଜା ଖୋଲି

ପାଦ ଚିପି ଚିପି ଚାଲିଆସ ମୋ ଅଜାଣତରେ

କେଉଁ ଏକ ଅଜଣା ସ୍ପର୍ଶରେ ମୁଁ ,

ଶିହରିତ ହୁଏ ,ମୋ ନିଶ୍ଚଳ ଧମନୀ

ତୁମର ସ୍ପର୍ଶରେ ଚଳଚଞ୍ଚଳ ହୁଏ।

ଅୟୁତ ଅୟୁତ ବର୍ଷର ପ୍ରତୀକ୍ଷାର ଅନ୍ତ ଘଟେ,

ତୁମର ସ୍ପର୍ଶରେ ମୁଁ ଚଳଚଞ୍ଚଳ ହୁଏ

ଆହୁରି ନିକଟତର ହୁଏ ।

ଝାପସା ଦେଖା ଯାଉଥିବା ସଂସାର 

ଉତ୍ଜ୍ୱଳ ଦେଖାଯାଏ 

ଆପଣାର ଲାଗୁଥିବା ବ୍ୟକ୍ତିଜଣକ ପରହୁଏ ।

ପର ଲାଗୁଥିବା ବ୍ୟକ୍ତିଜଣକ ନିଜର ହୁଏ।

ସତରେ ଏ କେଉଁ ଅଜଣା ଆକର୍ଷଣରେ

ଅଜଣା ସ୍ପର୍ଶରେ ମୁଁ ବାନ୍ଧିହୁଏ,

ମୁକୁଳି ପାରେନା , କାହାର କୋମଳ ସ୍ପର୍ଶରେ

ବାରମ୍ବାର ଛନ୍ଦି ହୁଏ।

 ଶିରା ପ୍ରଶିରା ଶିଥିଳ ହୋଇଯାଏ ,

ତୁମେ ପୁଣି ଥରେ ଚାଲିଆସ ,

ମୃତ୍ୟୁ କୋଳରୁ ଉଠେଇ ନିଅ 

ତୁମ କୋମଳ ସ୍ପର୍ଶରେ ମୁଁ

ପୁଣି ସଞ୍ଜିବିତ ହୁଏ ,

ମନରେ ସାତରଙ୍ଗୀ ଇନ୍ଦ୍ରଧନୁ ଟାଣିିିିହୁଏ।

ସମ୍ଭାବନା ହୀନ ଜୀବନ ମିଠା ମିଠା ସ୍ଵପ୍ନ ଦେଖେ ,

କାହାର ଅଜଣା କୋମଳ ସ୍ପର୍ଶରେ।