ଅଦିନିଆ ଅଣସର
ଅଦିନିଆ ଅଣସର
ଚନ୍ଦନ ଚର୍ଚ୍ଚିତ ଭକତର ମିତ
କାହିଁକି ଏମିତି କଲ
ଚତୁରେ ଛଳିଆ ପୁଣି ଅଦିନିଆ
ଅଣସରେ ତୁମେ ଗଲ ॥୦॥
ଆହେ ଚକାଆଖି ଶ୍ରୀମନ୍ଦିର ସାକ୍ଷୀ
ଅଦିନର ଅଣସର
ଅଣାୟତ ହେଲା ସାରା ସଂସାର ଲୋ
ତୁମ୍ଭ ବିନା ଅଣାକାର
ଚାତକ ପରିକା ଚାହିଁ ରହିଥିଲେ
ଚିତ୍ତ ହରା ଭକ୍ତ କୁଳ॥୧॥
ଚରଣ ହେଉଛି ଚରମ ଆତୁର
ଶ୍ରୀମନ୍ଦିର ଯିବା ପାଇଁ
ଚକାଆଖି ତୋର ଚକାଆସନକୁ
ଦେଖିବାକୁ ନେତ୍ର ଫେଇ
ସତେକି ଦର୍ଶନ ନବ ଯୋଉବନ
ହେବାର ଆସିଲା ବେଳ ॥୨॥
ଆଜି ନୀଳାଚଳ ଚଳ ଚଞ୍ଚଳ ଲୋ
ଦେଖିବାକୁ ଜଗଦୀଶ
ପଡିଲା ଚହଳ ଖୋଲିଲା ଦେଉଳ
ପ୍ରତୀକ୍ଷା ର ହେଲା ଶେଷ
ଚିନ୍ତି ଚିନ୍ତି ଚିତ୍ତେ ଚରଣାମୃତକୁ
ହୁଏ ମୁଁ ଭାବ ବିହ୍ବଳ ॥୩॥