Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sabita Nayak

Inspirational

4  

Sabita Nayak

Inspirational

ଅଭିନୟ

ଅଭିନୟ

1 min
618



ମୁଁ ତ ମାଗିଥିଲି ଟିକିଏ ବିଶ୍ବାସ

ତୁମେ ଦେଲ ବିଷଭରି

ସତ ଭାବିଥିଲି ତୁମ ପ୍ରେମ ବୋଲି

ଛଳନାରେ ଦେଲ ମାରି ।


ମରିବି ପାରୁନି ବଞ୍ଚିବି ପାରୁନି

କୋହ ବି ପାରୁନି ରୋକି

ଭଲପାଇବାର ଏକି ଫଳ କୁହ

ଲୁହ ଏକା ମୋର ସାକ୍ଷୀ ।


ତଥାବି ହାରିନି ହାରିବି ମୁଁ ନାହିଁ

ପାପ ମୁଁ କରିନି କିଛି

ଭୁଲକରିନାହିଁ ମୁଣ୍ଡ ନୋଇଁବିନି

ଚାଲିବି ଫୁଲାଇ ଛାତି ।


ହସଲାଗେ ଦେଖି ତୁମ ଅଭିନୟ

କେମିତି କର ଏମିତି

ଏବେ ଶିଖିଗଲି ଛଳନା ପ୍ରେମରେ

ମୁଁ ପୋଖତ ଅଭିନେତ୍ରୀ ।


ମିଛ ଅଭିନୟ କେତେ କର ତୁମେ

ମୁହଁରେ କପଟ ମୁଖା

ଉପରେ ଉପରେ ମିଛି ମିଛି ସ୍ନେହଁ

ଭିତରଟା ଖାଲି ଫମ୍ପା ।


ମୁଣ୍ଡ ଘୁରିଯାଏ ଦୁନିଆର ରୀତି

ବୋଧହୁଏ ଏଇ ପ୍ରେମ

ବଞ୍ଚିବାକୁ ହେଲେ ଅଭିନୟ ସାର

ଆଉସବୁ ଏକା ଭ୍ରମ ।


ମୁଁ ଆଉ ଜମା ଖୋଜୁନି ତୁମକୁ

ସପନରେ ସତଘରେ

ଜାଣିଦେଲା ପରେ ବାହାନା ତୁମର

ଆଣୁନାହିଁ କଳ୍ପନାରେ ।


ମୋ ଦୁନିଆରେ ମୁଁ ସାଜେ ପରୀ

ଗଢେ ମୋ ସ୍ବପ୍ନମହଲ

ମୁଁ ପୁଣି ସାଜେ ମୋ ନାୟକ ପ୍ରେମର

ଏଇ ମୋ ଖୁସି ସଂସାର ।


କାହିଁ ମୁଁ ଧାଇଁବି ମିଛ ପ୍ରେମ ପଛେ

ନିଶ୍ବାସ ହୁଏ ମୋ ରୁନ୍ଧି

ଖୋଜି ଖୋଜି ବହୁ ପାଇଲି ଉତ୍ତର

ଏବେ ମୋ ପ୍ରେମେ ମୁଁ ଛନ୍ଦି ।


ମୋ ଠାରୁ ଆଉ କେ ହେବ କି ନିଜର

ମୋ ପରି କରିବ ପ୍ରେମ

ଅନ୍ୟର ପଛରେ ଆଉ ଧାଇଁବିନି

ମୁଁ ଏକା ଖାଲି ମୋର ।


ଅଭିନୟ ଏଇ ଦୁନିଆ ମଞ୍ଚରେ

ଶିଖିଗଲି ଅଭିନୟ

ହେ ଈଶ୍ବର ମୋତେ କ୍ଷମା କରିଦେବ

ଯଦିହୁଏ ସ୍ବାର୍ଥପର ।


ଲୋଡାନାହିଁ ମୋର ମିଛ ମିଛ ପ୍ରେମ

ହୃଦୟେ ଭରା କପଟ

ଐଶ୍ବରୀୟ ପ୍ରେମ ଛଳନା ରହିତ

ଦେଖାଏ ଶାନ୍ତିର ମାର୍ଗ ।



Rate this content
Log in