ଅବାସ୍ତବ
ଅବାସ୍ତବ
1 min
104
ଅବାସ୍ତବ କଥା ବାସ୍ତବ ଲାଗେ
ବାସ୍ତବ ଲାଗଇ ମିଛ
କ୍ଷଣକ ପାଇଁ ଖୁସି ଭରିଦିଏ
ଦିଶେ ନାହିଁ ଆଗ ପଛ ll
ମନ ମୋହିନିଏ ଅଜାଣତରେ
ଲାଗେ ଅତି ଆପଣାର
ଜଣାପଡେ ନାହିଁ ଯନ୍ତ୍ର ଯନ୍ତ୍ରଣା
ନିଶ୍ଚିତ ଅତି ଚତୁର ll
ଭଲ କଥା ଯେ ଭେଲ ପରିଲାଗେ
ନିମ ଯେହ୍ନେ ଲାଗେ ପିତା
ଅତୀତ ଖୋଜିଲେ ଜମା ମିଳେନା
ସେ ଅଡୁଆ ଖିଅ ସୁତା ll
ମଧୁ ରସ ମିଶା ରସ ଅନେକ
ଅସଲରେ ମଧୁ ନୁହେଁ
ସୁରାକ ନପାଇ ସୁରାକ ଖୋଜି
ଏକି ଅବାସ୍ତବ ନୁହେଁ ll
ନିଶ୍ଚେ ଯେତେ ଚେଷ୍ଟା କଲେ ବି ତୁମେ
ହାତରେ ନ ଧର ଶଶୀ
ନିଶ୍ଚିତ ଭାବେ ଅବାସ୍ତବ ଠାରୁ
ବାସ୍ତବ ର ମୂଲ୍ୟ ବେଶୀ ll