ଆସୁଛନ୍ତି ମାଆ ଦଶଭୂଜା

     ଆସୁଛନ୍ତି ମାଆ ଦଶଭୂଜା
      =============
ଶରତରେ ମରତରେ
                ବାଜୁଅଛି ବାଜା l
ଦିବ୍ୟଧାମୁ ଆସୁଛନ୍ତି
               ମାଆ ଦଶଭୁଜା ll
ଆନନ୍ଦମୟୀ ଜନନୀ
             ନୌକା ବାହନରେ l
ଆସୁଛନ୍ତି ବୁଲିଯିବେ
              ତାଙ୍କ ମର୍ତ୍ତ୍ୟପୁରେ ll
ବୁଝିଯିବେ ସନ୍ତାନଙ୍କ
                ସୁଖ ଦୁଃଖ ଯାକ l
ପଚାରି ପଚାରି
            ସନ୍ତାନଙ୍କୁ ଏକ ଏକ ll
ତାଙ୍କ ନିରାଜନା ପାଇଁ
                   ସର୍ବେ ତତପର l
ସଜ ହୋଇଲାଣି କେତେ
                    ମଣ୍ଡପ ସୁନ୍ଦର ll
ଲାଗିଛନ୍ତି ଶିଳ୍ପୀ ଦିନ
                   ରାତି ଏକ କରି l
ଜୟ ଜୟ ଦୁର୍ଗା ଜୟ
                 ମାଆ ଶାକମ୍ଭରି ll
ଆସ ଆସ ମାଆ ଆସ
                  ଆସ ଦୟାମୟୀ l
ସନ୍ତାନ ଗଣେ ରହିଛୁ
                   ତବ ପଥ ଚାହିଁ ll
ତବ ସୁନ୍ଦର ସୃଷ୍ଟିରେ
                  ବାନ୍ଧିଲେଣି ବସା l
ରକ୍ତବୀର୍ଯ୍ୟ କେତେ
               ଶୁମ୍ଭନିଶୁମ୍ଭ ମହିଷା ll
ସବୁଙ୍କୁ ନିପାତ କରି
                      ଦୂଷଣ ହରିବୁ l
ସ୍ନେହବୋଳା କଥା ଦୁଇ
                    ମାଆ କହିଯିବୁ ll
କରୁଣାମୟୀ ଜନନୀ
                    ଅମ୍ବିକା ଭବାନୀ l
ଦୁର୍ଗମକୁ ନାଶ କଲୁ
                    ଦୁର୍ଗତି ନାଶିନୀ ll
ଜୟ କାତ୍ୟାୟନୀ
               ଦଶ ପ୍ରହର ଧାରିଣୀ l
ନମସ୍ତସ୍ୟୈ ନମସ୍ତସ୍ୟୈ
                 ନମଃ ନାରାୟଣୀ ll
             🙏🙏🙏
                  ଅର୍ଜ୍ଜୁନୀ
                ------------
ଅର୍ଜୁନୀ ଚରଣ ବେହେରା
ମୋ -୭୬୯୩୦୯୧୯୭୧