ଆସୁଛି ଅଗଷ୍ଟ ପନ୍ଦର
ଆସୁଛି ଅଗଷ୍ଟ ପନ୍ଦର
ଆସୁ ଅଛି ଭାଇ ଅଗଷ୍ଟ ପନ୍ଦର l
ମହାନ ପରଵ ଏ ମହା ଜାତିର ll
ବହି ଆସୁଅଛି ଜାତୀୟତା ସ୍ରୋତ l
ଆଦର୍ଶ ଯାହାର ବେଦବାଣୀ ପୂତ ll
ମନୁଷ୍ୟଙ୍କ ମଧ୍ୟେ ନାହିଁ ଭେଦଭାବ l
ସାରା ବିଶ୍ୱବାସୀ ବସୁଧା କୁଟୁମ୍ବ ll
ବକ୍ଷରେ ଯାହାର ଗଙ୍ଗା ଗୋଦାବରୀ l
ଆମ ଦେଶ ସଙ୍ଗେ କିଏ ହେବ ସରି ll
ବିଦେଶରୁ ଆସି କେତେ ଡକାଇତ l
ଏ ଦେଶକୁ କଲେ ଶୋଷିତ ଲୁଣ୍ଠିତ ll
ଦୁଇଶ ବରଷ ଇଂରେଜ ଶାସନ l
ମଧ୍ୟରାତ୍ରେ ଦିନେ ହେଲା ଅବସାନ ll
ଦେଶପ୍ରେମେ ଡରି ବିଦେଶୀ ଫିରିଙ୍ଗି l
ଡେଇଁ ପଳାଇଲେ ସପ୍ତସିନ୍ଧୁ ଲଂଘି ll
ସେହି ଉଣେଇଶ ସପ୍ତ ଚତ୍ୱାରିଂଶ l
ପୂରିଅଛି ଯାକୁ ପଞ୍ଚସ୍ତରୀ ବର୍ଷ ll
ଆୟାସ ଲବ୍ଧ ଏ ଆମ ସ୍ୱତନ୍ତ୍ରତା l
ସଂଗ୍ରାମୀ ଭୋଗିଲେ ଯାବତ ହୀନସ୍ତା ll
କେତେ ଶହୀଦଙ୍କ ବୀରରକ୍ତେ ରଙ୍ଗା l
ବହିଲା ଏ ଭୂମେ ସ୍ୱାଧୀନତା ଗଙ୍ଗା ll
ସଗର୍ବେ ଉଡ଼ଇ ଆମ ବୀର ଧ୍ୱଜା l
ତ୍ରିରଙ୍ଗା ଯା ନାମ ତିନିପୁରେ ପୂଜା ll
ଜାତିର ନମସ୍ୟ ଜାତୀୟ ଗରବ l
ତିନି ରଙ୍ଗେ ରଙ୍ଗା ଜାତିର ଗୌରବ ll
ଘରେ ଘରେ ଉଡ଼ା ଜାତୀୟ ପତାକା l
ପାତକନାଶିନୀ ଉଚ୍ଚେ ରହୁ ଟେକା ll
ଜୟ ହିନ୍ଦ ଜୟ ଭାରତ ମହାନ l
ତ୍ରିରଙ୍ଗାର କର ଜୟ ଜୟ ଗାନ ll