ଆସିଲାନି କେହିଜଣେ

ଆସିଲାନି କେହିଜଣେ

ଫଗୁଣର

ମହକିତ ରାତିରେ ଆସି

କେହିଜଣେ ଦେଇଥିଲା କଥା

ଆସିବାକୁ ନିଜର ହୋଇ !

ଏ ହୃଦୟ 

ତାଆ ଆସିବା ବାଟକୁ 

ଆଶାଭରି ମନେ 

ଏକାଏକା ରହିଛି ଚାହିଁ !

ମନରେ 

କେବେକେବେ ସନ୍ଦେହର

ସୃଷ୍ଟି ହୁଏ ବସା

ଭାବୁଭାବୁ ମରିଯାଏ

ହୃଦୟର ପ୍ରେମସିକ୍ତ ଆଶା !

ରାଗିଣୀର ରାଗରେ

ବର୍ଷା ଭିଜା ଦେହରେ

ଭାବନାର ଅମୃତ ପିୟୁଷ

ଆଙ୍କିଦେଇଯାଏ ଅତୀତର ସ୍ମୃତି

ଗାଲ ଓ ଓଠରେ !

କେବେ ଭାବେ 

ନୀରବରେ ମନ

ଯେ ଥିଲା ହୃଦୟର ଧନ

ବୋଧେ ଭୁଲିଗଲା ଦୁଇ ପଇସାର ମନ !

ଅବୁଝା ହୃଦୟ ବୁଝେନି 

ଆସିଲାନି ସିନା କେହି ଜଣେ 

ଖୋଜୁଥାଏ ନୀରବରେ

କିଛି କଥା ସାଇତି

ହୃଦୟର କୋଣ ଅନୁକୋଣେ !!