ଆସ ମାତେ
ଆସ ମାତେ
1 min
388
ଅଶିଣର ଶାରଦୀୟ ଶୋଭା,
ଶୁଭ୍ର କାଶତଣ୍ଡୀ ପୁଷ୍ପେ ମଣ୍ଡିତା ପ୍ରକୃତି,
ଆହା କି ଦିଶେ ମଞ୍ଜୁଳ,
କେଡେ ମନଲୋଭା ।
ନିର୍ମଳ ଦିଶେ ସରସୀ, ତଟିନୀର ଜଳ
କ୍ରୀଡାରତ ହଂସ ଯୋଡି ଫୁଟିଛି କମଳ
ନିର୍ମଳ ଦିଶଇ ନଭ ନାହିଁ ଅଭ୍ରଖଣ୍ଡ
କି ସୁନ୍ଦର ଦିଶେ ଆଜି ସମଗ୍ର ଭୂଖଣ୍ଡ ।
ତବ ଧରାବତରଣ ପାଇଁ ଆଗୋ ମାତେ
ନାହିଁ ସେ ପୂର୍ବ ଉତ୍କଣ୍ଠା ଆଜି ଏ ଜଗତେ
ମହିଷାସୁର ରୂପୀ କରୋଣା ମହାମାରୀ
ବହୁ ଜୀବନ ନେଇ ବି ଆତଙ୍କ ତା ଜାରୀ ।
ଆସ ମାତେ ଅବତରି ଏ ଧରା ଧାମରେ
ବିନାଶ କର କରୋଣା ବିଶ୍ୱରୁ ଅଚିରେ
ସାରା ବିଶ୍ୱ ରହିଅଛି ତବ ପଥ ଚାହିଁ
ଦୂର କରି ଏ ଆତଙ୍କ ଶାନ୍ତକର ମହୀ ।