ଆସ ମାଆ ଅବତରୀ

ଶୀତଳ ଶରତ ସୁକୋମଳ ସ୍ନିଗ୍ଧ 

ଉଲ୍ଲସିତ ଧରାବକ୍ଷ

ଆସ ଶାକମ୍ବରି ଆସ ଅବତରି

ନବରାତ୍ରୀ ନବୋଦିତ

ହେ ଗିରୀ ନନ୍ଦିନୀ ତ୍ରିତାପ ନାଶିନୀ

ସୁଖ ପ୍ରଦାୟିନୀ ମାତେ

ଆସ ଅବତରୀ ମାଗୋ ବିଶ୍ଵେଶ୍ଵରୀ

ଆସ ଏ ଧରା ଜଗତେ

ଝାଞ୍ଜ ଖୋଳ ଗିନି ଘଣ୍ଟା ଘଣ୍ଟଧ୍ଵନି 

ଶୁଭିଲାଣି ଆବାହନୀ

ଆସ ଅବତରି ମାଆଗୋ ଗୋଉରୀ 

ଯୋଡିଲେଣି ବେନି ପାଣି  

କର ମା ଦୟିନୀ ହେ ସିଂହବାହିନୀ 

ଆସ ମାତେ ଅବତରି

ତୁହି ରକ୍ଷାକର୍ତ୍ରୀ ତୁହି ମାହେଶ୍ଵରୀ 

ତୁହି ମା ଶଙ୍କରୀ ଗୌରୀ ।

ଶରତ ଶୋଭାରେ ସୁଷମା ନିହରେ

ମାଗୋ ଦୂର୍ଗା ସିଦ୍ଧି ପ୍ରଦା 

ଆସ ଅବତରି କଳି କାଳରାତ୍ରୀ

ତୋର ପାଦେ କରୁ ପୂଜା ।

ଉତ୍ପଳ ମନ୍ଦାର ସଜାଇଛି ହାର 

ଗନ୍ଧ ପୁଷ୍ପ ଦୀପ ଥୋଇ

ଆସ ଅବତରି ଆହେ ଶୈଳପୁତ୍ରୀ

ପୂଜିବି ପୟରେ ନେଇ।