ଆସ ମା ଆସ
ଆସ ମା ଆସ
ତୁମ କ୍ଷଣିକ ନଜରରେ ହିଁ ମୋ ଜୀବନର ସାର୍ଥକତା।
ମୁଁ ଆସିନାହିଁ ମଣ୍ଡପକୁ ଦେଖିବାକୁ
ତୁମ ରୂପର ଦିବ୍ୟତା କି ସାଜସଜ୍ଜାର ଭବ୍ୟତା
ବାସ୍ ଚୋରେଇବାକୁ ଆସିଛି
ମୋ ପ୍ରତି କ୍ଷଣଟିଏ ଦୃଷ୍ଟିପାତ ମାତ୍ର।
ସେଇ ତ ମୋ ପାର୍ବଣ
ସେଇ ମୋର ଆଶ୍ୱିନ ଆଶିଷ
ତୁମର ସେଇ ନଜର ଟିକକ ଠାରୁ
ମୋର ଏଣୁତେଣୁ ମାଗି ବସିବା କଣ ଏତେ ମୂଲ୍ୟବାନ !
ଆସ ମା ଆସ
ବିଞ୍ଚିଦିଅ ଦୃଷ୍ଟି ତୁମ
ଢଳ ଢଳ ହେଉଥିବା ଆଶାୟୀ ଆଖିର ଭିଜା ପଟଳରେ
ବ୍ୟଗ୍ର ଯେତେ କାମନା ସମୂହ
ରେଣୁ ସାଜି ତରି ଯାଆନ୍ତୁ ଲାଖି ତୁମ ପଦ ଯୁଗଳରେ।