ଆସ ଜଗନ୍ନାଥ ଆସ
ଆସ ଜଗନ୍ନାଥ ଆସ
1 min
6.7K
ମୋପୁଅ ଗଢିଛି କୁନିଏକ ରଥ
ଅାସ ଜଗନ୍ନାଥ ଆସ
କୁନିପୂଜକ ସେ ସାଜିଛି ଆନନ୍ଦେ
ପିନ୍ଧିଛି ଗେରୁଆବାସ ।୧।
ଗୁନ୍ଥିଛି ତୁଳସୀ ତୋଳିଛି କୁସୁମ
କାଳିଅନ୍ଧାରରୁ ଉଠି
ଘୋରିଛି ଚନ୍ଦନ କର୍ପୁର ସହିତେ
ଚୌଦିଗ ଯାଏ ଚହଟି ॥
ଶ୍ରୀଫଳ,କଦଳୀ ନୈବେଦ୍ୟେ ସମର୍ପି
ଢାଳିଦେବ ଭକ୍ତିରସ
ମୋପୁଅ ଗଢିଛି କୁନିଏକ ରଥ
ଆସ ଜଗନ୍ନାଥ ଆସ ।୨।
ଶ୍ରୀପୟରେ ତବ ଜାଳି ଘିଅଦୀପ
ଦେଇ ହରିବୋଲ ଧ୍ୱନି
ଭାବଦୋରୀକି ସେ ଲଗେଇ ରଥକୁ
ନେବ ନିଜେ ଟାଣିଟାଣି ॥
ହେଳାକରନାହିଁ ଆସହେ ଗୋସାଇଁ
ଛାଡି ଶ୍ରୀକ୍ଷେତ୍ର ଉଆସ
ମୋପୁଅ ଗଢିଛି କୁନିଏକ ରଥ
ଆସ ଜଗନ୍ନାଥ ଅାସ ।୨।
ଟାହିଆ କରିଛି ସୋଲରେ ତିଅାରି
ଦିଶେ କେଡେ ଝଲମଲ
ପହୁଣ୍ଡି ବେଳକୁ ବାନ୍ଧିଦେବ ଶିରେ
ଲାଗିବ ତୁମକୁ ଭଲ ॥
ତା'କୁନି ଓଠରେ ତୁମ ଅାଶିଷରେ
ଝରିବ ଅସରା ହସ
ମୋପୁଅ ଗଢିଛି କୁନିଏକ ରଥ
ଅାସ ଜଗନ୍ନାଥ ଆସ ।୩।
ଶରତ ଚନ୍ଦ୍ର ଜାଲି
ତା:୧୫/୭/୦୧୮