Library
Profile
ଆମେ ଓଡିଆ ଭାରି ବଢିଆ
ଆମେ ଓଡିଆ ଭାରି ବଢିଆ
ଜନମିଛୁ ଆମେ ଓଡିଶା ଭୁଇଁରେ
କହୁଛୁ ଓଡିଆ କଥା
ଲେଖୁଛୁ ଓଡିଆ ବହୁତ ବଢିଆ
ଓଡିଆ ଆମର ଭାଷା ।
ଆମରି ମାଟିମା ସବୁଠୁ ବଢିଆ
ଆମେ ତ ଓଡିଆ ଛୁଆ
ମାଟି ବି ଓଡିଆ ଜାତି ବି ଓଡିଆ
ଓଡିଶା ଆମର ଗାଆଁ ।
ଯେଉଁଠି ହେଉବା ଯାହାର ଠିକଣା
ଯାହାର ବି ହେଉ ନାଆଁ
ସଭିଏଁ ଆମେ ଏକ ଡୋରେ ବନ୍ଧା
ଶିଖାଇଛି ମାଟି ମାଆ ।
ଓଡିଆ ପୁଅର ବହୁତ ସାହସ
ଆଉ ତାର ସ୍ୱାଭିମାନ
ସଭିଙ୍କ ସମ୍ମାନ ସହ ଆମେ ଯୋଡା
ଏହା ଆମ ସ୍ୱାଭିମାନ ।
ଚଉରା ମୂଳରେ ଦୀପଟି ଜଳାଇ
ଆମ ବହୁ ଓଡିଆଣୀ
<p>ଏରୁଣ୍ଡି ଡେଇଁ କି ଘରକୁ ଆସଇ
ମୁଣ୍ଡରେ ପାଟ ଓଢଣୀ ।
ବାର ମାସେ ତେର ପରବ ମାନଇ
କେତେ ଯେ କେଉଁଠି ଓଷା
ଆସିଲେ ଗଲେ ରଜ ଭାରି ମଉଜ
କାର୍ତ୍ତିକରେ ଡଙ୍ଗା ଭସା ।
ମଗୁଶିର ମାସେ ଲକ୍ଷ୍ମୀ ମାଣ ବସା
ଘରେ ଘରେ ହୁଏ ପୂଜା
ନୂଆ ଚାଉଳରେ ନୂଆ ଖାଇବାକୁ
ଖୁସିରେ ଉଡାଉ ଧ୍ୱଜା ।
ଯାତରା ବରବ ଖୁସି ସହକାରେ
ଲାଗଇ ବଡ ସୁନ୍ଦର
ଦୋଳ ବିମାନରେ ରାଧା ଗୋବିନ୍ଦ
ଦିଶନ୍ତି ବଡ ସୁତର ।
ମୂଲିଆ ହଳିଆ ସଭିଏଁ ବଢିଆ
ଗର୍ବିତ ସାରା ଓଡିଆ
ଆମ ଲାଗି ଆଜି ଆମ ଟେକ ଅଛି
ଓଡିଆ ଭାରି ବଢିଆ ।
