ଆମ ପବିତ୍ର ସମ୍ବିଧାନ

ମହାନ ଆମର ଦେଶ ଏ ଭାରତ 

   ଦେବଭୂମି ଆର୍ଯ୍ୟାବର୍ତ୍ତ l

ବିନ୍ଦୁ ବିନ୍ଦୁ କରି ସିନ୍ଧୁ ପ୍ରାୟେ ଗଢ଼ା 

  ସମ୍ବିଧାନ ତା' ବିଖ୍ୟାତ ll

ସୁଦୃଢ଼ ଏ ଦେଶ ଗଣତନ୍ତ୍ର ଆମ 

   ପୃଥିବୀ ମଧ୍ୟେ ମହାନ l

ସୁଦୃଢ, କଠିନ, ନମନୀୟ ଯାର 

   ଦୀର୍ଘତମ ସମ୍ବିଧାନ ll

ପବିତ୍ର ଚିନ୍ତାର ବଖାଣ ସଂହିତା 

   ଭ୍ରାତୃଭାବ ପରେ ସ୍ଥିତି l

କେତେ ସାଧନାରେ ନିର୍ମାଣି ଅଛନ୍ତି 

   ଜ୍ଞାନୀଗଣ ତାହା ଚିନ୍ତି ll

ସୁଯୋଗେ ସମତା, ସମ ଅଧିକାର 

    ଆମ ସମ୍ବିଧାନ ନୀତି l

ଶାନ୍ତିପୂର୍ଣ୍ଣ ଭାବେ ସହ ଅବସ୍ଥାନ 

   ସମାଜେ ନଥିବ ଭୀତି ll

ସୁଦୃଢ ଶାସନ,ଶୁଦ୍ଧ ଦେଶ ପ୍ରେମ 

   ସୁଦୃଢ ନ୍ୟାୟ ପାଳିକା l

ନାଗରିକ ଗଣ ପ୍ର

Advertisement

ତିଜ୍ଞା କରିଲେ 

   ନୀତିବାନ ସଦା ଏକା ll

ଧର୍ମ ନିରପେକ୍ଷ ନୀତିଟି ତାହାର 

   ସଂକୀର୍ଣ୍ଣ ଚିନ୍ତା ରହିତ l

ସଂକୀର୍ଣ୍ଣ ଚିନ୍ତନ ପରିତ୍ୟାଗ କର 

   ଚିନ୍ତ ସଦା ଦେଶ ହିତ ll

ପୂଜ୍ୟ ପୂଜା କର ଦ୍ୱେଷ ପରିହର 

    ସମ୍ମାନ କର ସଂହିତା l

ସମ୍ବିଧାନ ନିନ୍ଦା ସିଧା ଦେଶ ଦ୍ରୋହ 

   ଛାଡ଼ ମନୁ ଏହି ଚିନ୍ତା ll

ଶିରେ ଧର ସଦା ମାତାର ଚରଣ 

   ମାତୃ ଭୂମିର ସଂସ୍କୃତି l

ସତ୍ୟ ସନାତନ ଚିରନ୍ତନ ଯାର 

   ବଇଦିକ ଅଟେ ଭିତ୍ତି ll

ଆଜି ସମ୍ବିଧାନ ଦିବସେ ନମଇଁ 

    ମାତୃ ଭୂମିର ଚରଣ l

ପବିତ୍ର ତାହାର ସଂବିଦା, ସଂହିତା 

   ପବିତ୍ର ତା ସମ୍ବିଧାନ ll