ଆମ ଓଡ଼ିଶା
ଆମ ଓଡ଼ିଶା
ଆମ ଏ ଓଡିଶା ଗୌରବ ମଣ୍ଡିତା
ସଂସ୍କୃତିରେ ମହନୀୟା
ଶିଳ୍ପକାରୁକାର୍ଯ୍ୟେ ଅଟେ ସେ ଅନନ୍ୟା
ସୌନ୍ଦର୍ଯ୍ୟେ ଅବର୍ଣ୍ଣନୀୟା l
ଜଗନ୍ନାଥ ଧାମ ଏ ପୂଣ୍ୟ ଉତ୍କଳ
ଓଡିଆ ପୁଅଙ୍କ ବଳ
ବୀର ପ୍ରସବିନୀ ଏ ଓଡିଶା ମାଟି
ମହାପୁରୁଷଙ୍କ ସ୍ଥଳ l
ତା' ବନ ପାହାଡ଼ ସବୁଜିମା କ୍ଷେତ
ଲାଗେ ଅତି ଆପଣାର
ତା' ବଡ଼ ଦେଉଳ କୋଣାରକ କ୍ଷେତ୍ର
ସତରେ ବିସ୍ମୟକର l
ତା' ପଖାଳ କଂସା ତା' ବାଡ଼ି ବେଉସା
କୋଉଠି ମିଳିବ ନାଇଁ
ପ୍ରେମରେ ଅପାର ଭାଷାରେ ମଧୁର
ଐତିହେ ଭରା ଏ ଭୂଇଁ l
ତା' କଳାନୈପୁଣ୍ୟ ତା' ଶାସ୍ତ୍ରୀୟନୃତ୍ୟ
ଦେଶ ବିଦେଶରେ ଖ୍ୟାତ
ଉଚ୍ଚ କରି ଶିର ରଖିବା ତା' ଟେକ
ହାତରେ ମିଶାଇ ହାତ l