ଆକସ୍ମିକ ଯଦି

ଆକସ୍ମିକ ଯଦି

ସନ୍ଯାସୀଟିଏ ଆସି

ଆମ ଘରେ କୁହନ୍ତି

"ବେଶ ରାଜ ଯୋଟକ ଅଛି"

ରାଜାରାଣୀ ଯୋଗ ଅଛି ।

ଆକସ୍ମିକ ଯଦି

ପ୍ରେମିକା ଦୌଡ଼ି ଆସି

ଦେଇ ଦିଅନ୍ତା ଫୁଲମାଳାଟି

ମୋର ନୁଖୁରା ବେକରେ ।

ଆକସ୍ମିକ ଯଦି

ମଦ ଦୋକାନ ସବୁ

ବନ୍ଦ ହୋଇଯାନ୍ତା ।

ଆକସ୍ମିକ ଯଦି

ଔଷଧ ଦୋକାନୀଟା

ଭୁଲିଯାନ୍ତା ନିଦ ବଟିକାକୁ ।

ତେବେ ହେ ଭଗବାନ

ମୁଁ କ'ଣ ନିଦରେ ଶୋଇପାରିବି ।

ଶୋଇ ଶୋଇ ସୁନେଲି ସ୍ବପ୍ନରେ

ପ୍ରେମିକାକୁ ଜାବୁଡ଼ି ଧରନ୍ତି

"ହେ ରାତି ପାହିଲାଣି

ବୋଉ ଡାକୁଛନ୍ତି"

ତଥାପି ମୋର ନିଦ ଭାଙ୍ଗନ୍ତା ନି 

ତାକୁ ଟାଣି ଆଣି

ମୋ ଛାତିରେ ଅନେକ

ଅନେକ ଛବି ମୁଁ ଆଙ୍କନ୍ତି ।

ତେବେ ମୁଁ ବେଶ୍

ଆଶ୍ବସି ହୁଅନ୍ତି ।