ଆକାଶେ ଥିଲା ଜହ୍ନ ଆଉ ତଡ଼ାଗେ ଥିଲା

ଶବ୍ଦରୁ ସୃଜନ-4 : ଜହ୍ନର ଠିକଣା

ଗୀତି-କବିତା -  

ଆକାଶେ ଥିଲା ଜହ୍ନ ଆଉ ତଡ଼ାଗେ ଥିଲା କଇଁ,  

ଦୁହେଁ ଦୁହିଙ୍କୁ ପାଇବା ପାଇଁ ଥିଲେ ବିକଳ ହୋଇ |(ଘୋଷା)

ଫୁଲ ଯାଚିଲା ମଧୁ ରୂପ-ରଙ୍ଗ ସଜେଇ,

ଅଳି ଡାକିଲା ବନ୍ଧୁ ସେ ମଧୁ ପିଇପିଇ |

ଜହ୍ନ କି' କଇଁ ଫୁଲ କି' ଅଳି କାହାର ଦୋଷ ନାହିଁ |

ଆକାଶେ ଥିଲା ଜହ୍ନ ଆଉ ତଡ଼ାଗେ ଥିଲା କଇଁ,

ଦୁହେଁ ଦୁହିଙ୍କୁ ପାଇବା ପାଇଁ ଥିଲେ ବିକଳ ହୋଇ | (1)

ତଟିନୀ ଗଲା ଧାଇଁ ବଣ ପାହାଡ଼ ଡେଇଁ,

ଦୁନିଆ ଗଲା ଭୁଲି ସାଗର କୋଳ ପାଇ |

କେଉଁ ଯୁଗରୁ ଖୋଜୁଥିଲା ସେ ଠିକଣା ଗଲା ପାଇ |

ଆକାଶେ ଥିଲା ଜହ୍ନ ଆଉ ତଡ଼ାଗେ ଥିଲା କଇଁ, 

ଆକାଶେ ଥିଲା ଜହ୍ନ ଆଉ ତଡ଼ାଗେ ଥିଲା କଇଁ,

ଦୁହେଁ ଦୁହିଙ୍କୁ ପାଇବା ପାଇଁ ଥିଲେ ବିକଳ ହୋଇ | (2)