Library
ଆଜି ପରା ନବରାତ୍ର
ଆଜି ପରା ନବରାତ୍ର
ଆଜି ମାଆଙ୍କର ନବରାତ୍ର ପୂଜା
ଏ ଧରା ଉତ୍ସବ ମୟ
ନବୀନ ପୁଲକେ ଜାଗି ଉଠେ ଆଜି
ସମସ୍ତ ଭକ୍ତ ହୃଦୟ ।
ଶରତରେ ମାଆ ଆସିଛନ୍ତି ମର୍ତ୍ତ୍ୟେ
ମହା ଗୌରୀ ରୂପ ନେଇ
ଝରି ଝରି ପଡେ ଅମୃତ ଝରଣା
ସବୁ ପାପ ଯିବ ଧୋଇ ।
ଶୀତଳ ସମୀର ବହେ ମନ୍ଦ ମନ୍ଦ
ସାଥେ ଧୂପ ଝୁଣା ବୋଳି
ତବ କମ ରୂପ ଦେଖିବେ ଭକତ
ହୃଦୟ ଯିବ ଉଛୁଳି ।
ଜାଳନ୍ତି ଦୀପାଳୀ ତବ ଆରାଧନେ
ଢାଳି ଦ୍ୟନ୍ତି ପୁଷ୍ପାଞ୍ଜଳି
ଘଣ୍ଟ ଘଣ୍ଟା ଖୋଳ ତାଳେ ପ୍ରକମ୍ପିତ
ଶୁଭ ଶଙ୍ଖ ହୁଳ ହୁଳି ।
ଗର୍ବ ଅହଙ୍କାର ନାଶ କରାଇବେ
କୁପଥ ବର୍ଜନ କଲେ
ଦୃଷ୍ଟଙ୍କୁ ନାଶିବେ ସନ୍ଥଙ୍କୁ ପାଳିବେ
ସୂପଥରେ ଚାଲୁଥିଲେ ।
ନବରାତ୍ରେ ମାଆ ନବରୂପ ଧରି
ମଣ୍ଡପେ ପାଆନ୍ତି ପୂଜା
ତ୍ରିଶୂଳ ଧାରଣୀ ମହିଷା ମର୍ଦ୍ଧନୀ
ଜନନୀ ' ମା 'ଚତୁର୍ଭୁଜା ।
କରିବା ଦର୍ଶନ ମହା ଗୌରୀ ବେଶ
ଜଗତ ଜନନୀ ମାଆ
ତାଙ୍କରି ଆଶିଷେ ଲଭିବା ଆୟୁଷ
ଦେବୀ ନିଶ୍ଚେ ହେବେ ସାହା ।
କ୍ଷମା ମୟୀ ମାଆ କର ଦୋଷ କ୍ଷମା
ଅନ୍ତରେ କରେ ପ୍ରଣାମ
ସେଥି ପାଇଁ ତୋର ଚରଣ ସ୍ପର୍ଶୁଛି
ମୋ ଦୋଷ କର ଖଣ୍ଡନ ।
