ଆଜି କିଆଁ ମନେ ପଡୁଛି

ତୁମେ ମୋ ପ୍ରିୟା ହୃଦୟ ବଲ୍ଲଭା 

ମନେ ମନେ କେତେ ଖୋଜୁଛି

ମୋ ମନ ଆକାଶ ନିଶା ଅନ୍ଧାରେ 

ହଜିଗଲ ସଖୀ ଖୋଜୁଛି ।

ମନେ ପଡିଯାଏ ତାରୁଣ୍ୟ କାଳ

ହଜିଯାଇଛି ମୁଁ ଖୋଜୁଛି

ସେ ବେଳ ସେକାଳ ମୂହୁର୍ତ୍ତ ସବୁ

ସ୍ମୃତି ପଟଳେ ମୁଁ ଖୋଜୁଛି ।

ପିଲା ବେଳ କଥା ମନେ ପଡଇ

ସେକଥା ଭାବି ମୁଁ ଖୋଜୁଛି

ହଜିଯାଇଛି ମୋ ଗାଆଁ ର ଶିରୀ

ମୋ ପିଲାଦିନ ଗାଁ ଖୋଜୁଛି ।

ହଜିଲା ଦରବ ଆଉକି ସଖୀ

ପାଇବି ତଥାପି ଖୋଜୁଛି

ଜୀର୍ଣ୍ଣ ଶରୀର ବିଦିର୍ଣ୍ଣ ହୃଦୟେ

ଆଜି କିଆଁ ମନେ ପଡୁଛି ।