फुलले हे क्षण माझे
फुलले हे क्षण माझे
माझ्या मनीच्या इच्छा
केल्या पूर्ण सहजीवनी
साथ तुझी मिळता
भाग्यवान वाटे मनी
भाव मम अंतरीचे
तू जीवनी जाणिले
सहज देत हात हाती
सप्तरंगी रंगविले
सहवास तुझा माझा
प्रीत गंध पसरला
एकमेका देत साथ
संसार ही फुलवला
आहे मज समाधान
दिधले तू सर्व काही
भरभरुनी जीवनी
मागणे उरत नाही
फुलले हे क्षण माझे
तव कृपा प्रसादाने
मन माझे आनंदले
जगले जीवन मोदाने