वेदना तिच्या पायाची

नाजूकसाजूक पाय तिचे

भाग्य काट्याचे उजळले

रूतुन पायात तिच्या

अन् काळीज तळमळले

 नशिबी काय म्हणावे

त्या वाटेचे की

तिने चालतच यावे

येताना पाहुन तिला

काट्यांनी धावत यावे

विव्हळते नाजुकशी ती

अन् अश्र गालावर ओघळती

काट्याने काटा काढून

वाट लाल होती

टोचावे तरी कितीदा काट्यांनी पायांना तिच्या

आणि घाव तरी किती द्यावे

अडवून वाट तिची 

का तिला रडवावे

अरे येणेजाणे तिचे 

त्या वाटेवरूनच

तरी उगाच छळून का जखम द्यावी

रक्ताळलेल्या पायांना तिच्या

एकदातरी हळवी फुकंर घालून द्यावी

जरा समजून घ्यावी काट्यांनी

वेदना तिच्या पायांची

टाकून द्यावा कधीतरी

सडा फुलांचा

एकच वाट तिला येण्याची

करून द्यावी वाट मोकळी

आणि दुरुन तिला पहात रहावे 

नकळत टोचेल जो काटा पायात तिच्या

मग त्याला भाग्यवंतच म्हणावे