वाट मी पाहतो

तुझेच गाणे ओठांवर

घेऊन रोज गुणगुणतो

सुन्या मैफिलीत माझ्या

गीत तुझे शोधतो

पापणी माझी न लवता

तुझ्याकडेच पाहतो

नजरानजर झाल्यावर

सारवासारव करतो

केसात तुझ्या गजरा

जरी स्वप्नात मी माळतो

सुगंध माझ्या प्रीतीचा

अंतरात दरवळतो

आठवणींच्या चांदण्या

मनामध्ये कोंदतो

प्रेमाच्या श्रावणात

ओलाचिंब भिजतो

न सांगता प्रीत कळावी

वाट याची पाहतो

दिवस येईल नक्की तो

मनास मी समजावतो