वाईनने भरेल माप सांगा कोणाचे पाप
वाईनने भरेल माप सांगा कोणाचे पाप
किराणा दुकानावर मिळेल वाईन,
मुख्यमंत्र्यांचा निर्णय फाईन....!
वाईनने भरेल माप,
सांगा कोणाचे पाप |
सरकारी निर्णय झालाय
स्त्रीयांच्या डोक्यास ताप | |१| |
किराणा दुकानावर
मिळेल वाईन |
मुख्यमंत्र्यांचा का
निर्णय फाईन | |२| |
देशाचं वाटोळं निघाले
आहेत हे करायला |
पुढेच दारुड्या लोकांच्या
संसाराची राख भरायला | |३| |
सरकारी तिजो-या भरण्याची
लढविली आहे नवी शक्कल |
देशहितासाठी चांगले करण्याची
कधीतरी यावी ना अक्कल?| |४| |
अंगावर आले की घेतात हे
कुणालाही शिंगावर क्षणात |
नेस्तनाबूत करण्यास राजकीय
शत्रू असतात सज्ज रणांत | |५| |
सामान्य जनतेच्या हिताशी
यांना नसतेच मुळीच देणेघेणे |
निवडणूक जिंकण्यास टाकतात
आमिष रुपी चार चणे फुटाणे | |६| |
ह्यांच्या गलिच्छ राजकारणात
देशहितच जाते बाजूला पडून |
उपाय नाही कुठलाच येत करता
हतबल होतेय जनताच रडून | |७| |
सरकारी निर्णय किराणा दुकानात मिळेल वाईन ऐकून झालेल्या सुन्न मनाने केलेले विचार ह्या कवितेतून व्यक्त केले आहेत.