तू माझ्या पाठीशी आहे
तू माझ्या पाठीशी आहे
माझा तंटा भाग्याच्या काठीशी आहे
भाग्यच माझे! तू माझ्या पाठीशी आहे
मृत्यूची भीतीही ज्या स्वप्नांना नाही
त्या स्वप्नांची टोळीही गाठीशी आहे
संघर्षांचे माझ्या श्वासांशी जे नाते
दोस्ती माझी त्या रेशिमगाठीशी आहे
नादीही माझ्या कोणी नाही लागावे
नाते माझे ते मायमराठीशी आहे
चाकूच्या वारांनी बाजूला थांबावे
गाठीभेटी प्रेमाच्या लाठीशी आहे