“ तरी तू आहेस आमच्या सोबतीला------
“ तरी तू आहेस आमच्या सोबतीला------
किरकिरणाऱ्या रातकिड्यांच्या आवाजानं
अगणित विचारांच काहूर साचलं होत मनांत.
थंडगार हलकासा वारा झोबंला अंगाला
तरी तू होतास माझ्याबरोबर सोबतीला -----
अंधाराच्या पलीकडे त्राणच उरले नव्हतं पायात
भितीची पाल मात्र शुकशुकत होती मनांत.
एकांतात अभ्यास व्हावा म्हणून वैरणीचा खोपा केला
कारण तू होतास माझ्याबरोबर सोबतीला -----
रॉकेलचे तेल आणि कापडाची वात
चंबूसारखी दिसणारी ती पातळ काच.
हाताच्या हेलकाव्याने पुढेंमागे होणाऱ्या सावलीच्या मदतीला
तरी तू होतास माझ्याबरोबर सोबतीला -----
रात्रनरात्र तुझ्याबरोबर बसायचो
मिणमिणत्या वातीला वरखाली करायचो.
तुझ्याच कमीजास्त प्रकाशात अभ्यास माझा झाला
कारण तू होतास माझ्याबरोबर सोबतीला -----
आठवणींच्या हिंदोळ्यांवर तू विसरलास आम्हाला
की विजेरीच्या वाढत्या प्रभावानं आम्ही दूर केलं तुला,
याचा थांगपत्ता नाही लागला मनाला
कारण तू अजूनही आहेस आमच्या सोबतीला -----
नाईट लॅम्प म्हणून तू स्वतःच नामकरण केलंस
सौर ऊर्जेचे तर कधी विजेरीच्या साहाय्य घेतलंस.
पुन्हां पुन्हां हॉटलेच्या भितींवर दिसू तूलागला
तरी तू आहेस आमच्या सोबतीला -----
स्वरूप बदलेले परंतु कामगिरी सारखीच
गरजेची जागा आता मौजमजेने घेतलीच.
शो पिसच्या नावाखाली स्व:कार्यातून सेवानिवृत्त झाला
तरी तू आजही आहेस आमच्या सोबतीला -----