ती उमलतांना

'ती' उमलतांना

लक्ष त्याचे

कधी अडकवु

प्रेमाच्या जाळ्यात... 

मैत्रीचा हात पुढे

वर वरची काळजी 'ती'ची

दररोज नवनवीन स्वप्न दाखवणे

लाडी गोडी फुलवण्या 'ती'ला

'ती' ही सुखावते उमलतांना

प्रेमाच्या त्याच्या आणाभाकांना

फुलवण्याच्या एवजी 

खुडून टाकतो 'तो' 'ती'ला...

रंक्तबंबाळात 'ती'

ओरडते, किंचाळते

मदतीचा हात मागण्या

पण कठोर 'तो'...

'ती'ला ठेचतो, तुडवतो

पायाने स्वतःच्या

मर्दागनीचा भेसूर

देखावा दाखवत... 

खरे रूप त्याचे समजता

'ती' शेवटचा निरोप घेते

म्हणत परत मी येईल

नव्या रुपात धडा तूला शिकवण्या...