सप्तपदी

हात तुझा माझ्या हाती

नाही केवळ दिसण्यासाठी

सात जन्माचे नाते म्हणुनी

स्वर्गात जुळल्या मंगलगाठी....

तथ्य आहे का खरंच यात

प्रश्न आजही पडतो मला

हात हाती असूनदेखील

एकांत का छळतो मला .....

ओढ असावी अंतरातून

हात नसेल हातात जरी

कसे जुळतील सुर जीवनाचे

प्रेमभाव जर नसेल अंतरी .....

मागितले होते तुजकडे

स्नेह आपुलकी अन जिव्हाळा

होता मलाही फुलवायचा

तुझ्या संगतीने प्रीतमळा .....

सात वचने दिली परस्परांस

घेवुनिया हात हाती

सप्तपदी चालले अन

जीवनाची झाली माती .....