संकल्प
संकल्प
बोलाची कढी ,बोलाचा भात
शुभेच्छांसाठी पुढे आमचा हात
जागतिक पर्यावरणाची करू बात
पेटवूनी मनी जाणिवेची वात...
प्रदूषणाची करुनी बरसात
केली निसर्गाची वाताहात
झाली वृक्षांची कत्तल अतोनात
ठेवुनी नीतिनियम बासनात...
आता व्हावे शहाणे थोडे
पडले जरी मनाशी हो कोडे
ऐकुनी बोल हे मौल्यवान खडे
नाते निसर्गाशी पुन्हा जडे....
एकच वृक्ष लावूनी
राना ,वना प्रांगणात
नाव मागे ठेवूया आपले
आपल्याच निसर्गात...
म्हणतील पोरे बाळे
नाती नातवंडे
आजोबांचे नवं नवे फंडे
पाहुनी घालवू आनंदात संडे....
जागतिक पर्यावरण दिनी
संकल्प करूया चांगला
एक झाड लावूनी चला
सजवूया निसर्गाचा बंगला....!