संगत

कुणी असो वा नसो सोबतीस

सखीची हक्काची मिळे संगत 

साथ पक्की ती नाहीच सोडत 

आणते जीवनात खरीच रंगत 

देवाजीने दिलेल्या जीवनात 

काळाकुट्ट नको हा अंधार 

सोबतीला घेऊन चालताना

हवा खंबीर हाताचा आधार

येती अनेक संकटे जीवनी 

सोबत ती सग्यासोयऱ्यांची

नको वाटताना अंधारवाटा

गरज भासते ती शेजाऱ्यांची

दीप प्रज्वलित करू जीवनी

येता कुणावरही अशी संकटं 

मार्ग निघे त्यातुन प्रकाशाचा

वाट किती धोपट नि बिकट

बदलती हवा नि ऋतू निराळे

सुखदुःखाच्या परिवर्तनी दिशा 

उजळल्या साऱ्या मनामनातून

प्रज्वलतेच्या प्रवासीच आशा