शोध माणसातल्या माणसाचा

शोध माणसातल्या माणसाचा

आज घराचे आधार स्तंभ कोसळत आहेत 

उभारलेल्या भिंतीही ढासळत आहेत 

रस्त्यावर ओशाळलेल्या गर्दीत 

माणूस माणसालाच माणसात शोधत आहे

 

झाली कितीही घराची पडझड तरी 

मोठ्या ताकदीने उभा राहू पाहत आहे 

उध्वस्त अवस्थेत नात्यांचा ओलावा आटत आहे 

माणूस माणसालाच माणसात शोधत आहे 

 

घरातल्या कोणीही एकाच जाणं 

घर सुन्न मनाने उजाड करत आहे 

धीरानं एकमेकांचे आसवं पुसत आहे 

माणूस माणसालाच माणसात शोधत आहे 

 

छोट्यांच्या आणि तरुणांच्या भवितव्यासाठी 

स्वतःकडे मात्र तो दुर्लक्ष करत आहे 

शांत मनाने जगाचा निरोप तो घेत आहे

माणूस माणसालाच माणसात शोधत आहे 

 

कितीही असला मनाचा मोठेपणा 

तरी क्षणापुरता बाजूला तो ठेवत आहे 

आपल्यातल्याच आपल्याना दूर तो करत आहे 

माणूस माणसालाच माणसात शोधत आहे