पुस्तक
पुस्तक
पुस्तक मानवी मन
पुस्तक धन आहे
येणाऱ्या साऱ्या पिढ्यांचे
खरे जीवन आहे
पुस्तक आनंदाचा सागर
पुस्तक मनोरंजनाचा खजिना
पुस्तक नवीन चेतना
जगाची जीवंत प्रेरणा
पुस्तक दु:खाचा आधार
सुखाचा मार्गदर्शक आहे
पुस्तक धरतीची गाथा
अनाथांची साथ आहे
त्याच्यात विश्वास आहे
प्रामाणिकपणा आहे
जगाचा सारा कारभार
तोच चालवत आहे.
पुस्तक ज्ञानाचे मस्तक
विश्वाचा ज्ञानदाता महागुरू
त्याच्या अगाध दानशूरतेला
सांगा आपण का विसरू
पुस्तक न्याय देणारा बाप
कष्टाची शिकवण देणारा
अथांग सागरा सारखा
निर्मळ मनाचा राहणारा
सत्संगाची माहिती देणारा
कायम भले करणारा
तोच खरा मित्र आहे
प्रगतीच्या वाटेवर नेणारा
पुस्तकाला नसतो जातभेद
जो आचरण करील तयाचे
त्याला साक्षात्कार आहे
आदर्श जीवन सत्याचे
निसर्गाचा खरा मित्र
विश्वातील जीवांचा नाथ
त्याच्यासोबत नेहमी रहाल
तो करणार नाही अनाथ