पुन्हा तुझ्या प्रेमात पडायचंय
पुन्हा तुझ्या प्रेमात पडायचंय
ती पहिली ओळख,
तो 'hello' म्हणण्यासाठी,
पुढे आलेला तुझा हात,
मला पाहून केलेलं तुझं पाहिलं हसू,
मला हे पुन्हा अनुभवायचंय,
मला पुन्हा एकदा तुझ्या प्रेमात पडायचंय...
ती पहिली अनपेक्षित भेट,
तो सोबत घालवलेला वेळ,
ती आपल्या मनाची झालेली गुंफण,
मला हे पुन्हा जगायचंय,
मला पुन्हा एकदा तुझ्या प्रेमात पडायचंय...
तो तुझा झालेला पहिला स्पर्श,
ते रात्रंदिवस केलेलं हितगुज,
ते एकमेकांना समजलेलं प्रेम,
आणि पुन्हा भेटण्याची ती इच्छा,
मला हे पुन्हा पाहायचंय,
मला पुन्हा एकदा तुझ्या प्रेमात पडायचंय...