प्रेमाचा पाऊस
प्रेमाचा पाऊस
1 min
240
कातर वेळेचा वारा
आठवणीने भेटतो
काळोख येता गारवा
पाऊस मनी दाटतो ||१||
मज आवडे पाऊस
मायने फुलवणारा
तेवढ्याच ताकदीने
बाभळीला पेलणारा ||२||
पाऊस आवडे मला
तुझ्या माझ्या संगतीचा
बरसतोय अंगणी
फुलला गंध चाफ्याचा ||३||
पावसात भिजताना
स्पर्शे मज गार वारा
अशा एकट्या जीवाला
फक्त तुझाच सहारा ||४||
प्रेमाच्या पावसातुनी
भिडे नजरा नजर
जीव जडे तुझ्यावरी
घायाळ करे नजर ||५||