प्रेम

आपल्यात लपलेल्या

खट्याळ अल्लड मनाला

जिवंत ठेवण्यासाठी

गुलाबी दुनियेतला गुलाबीपणा अनुभवण्यासाठी

धुंद लहरीवर स्वार होऊन मनाला फुलवण्यासाठी

आठवणीनां आठवत आठवत आठवण्यासाठी

मनातल गुपीत स्वप्नं कुणाला तरी सांगण्यासाठी

आणि सांगितलेल स्वप्न कसं पुर्ण होतेय ते पाहण्यासाठी

एकदा तरी प्रेम करावं

मग ते कुणावर, कधी, कसं

हे ज्याच्या त्यांनी ठरवावं

मग ते एखादं झाड फुल पान असेल

नाहीतर आई बाळ असेल किंवा अन् कोणतहि नातं असेल

त्याला जातीपातीची दोरखंड असू नयेत

स्थळ काळ वेळंच बंधन असू नयेत

त्याला स्पर्शाचा हव्यास ना वासनेचा उभार असू नये

काळजात जपलेल्या एखाद्या तरंगाला

अलगद हाताळावं न्याहाळावं

आणि ...

जिथं मन रेंगाळेल तिथंच क्षणभर हरवून जाईल

कदाचित तेच असावं

आपल पहिलं वहीलं प्रेम असावं