प्रेम म्हणजे काय असतं?
प्रेम म्हणजे काय असतं?
1 min
422
प्रेम म्हणजे गुलमोहर
सुंदर असा बहर
मनाला हवीशी वाटणारी
एक प्रेमळ नजर
प्रेम म्हणजे निस्वार्थाचा झरा
स्वच्छ नि निर्मळ वाहणारा
त्याच्या सान्निध्यात येता
मी पणा गळून पडे सारा
प्रेम म्हणजे सुगंध लपलेला
तरी जाणवतो क्षणाक्षणाला
अर्थ प्राप्त करून देतो
अर्थहीन जीवनाला
प्रेम म्हणजे हवेसे बंधन
दरवळणारा सुगंधी चंदन
रहावे त्याच्या पाशातच
विसरून सारे तन-मन
प्रेम म्हणजे अशी शक्ती
जी वाळवंटाचेही नंदनवन करते
वादळातून नौका पार करून
आनंदाने जगायला शिकवते