पहिला पाऊस
पहिला पाऊस
1 min
13.7K
येई हळूच ती सर
होई मन चिंब चिंब
आठवांचा येई पूर
दिसे त्यात प्रतिबिंब
कशी आवरू स्वतःला
येई आठवण तुझी
गेला दूर तू कशाला
वाट पाहत रे तुझी
पावसाच्या सरी सवे
भासे एकले एकले
अश्रू नयनी न मावे
तुला स्वप्नात पाहिले
नको वाटे हा पाऊस
ओढ तुझी मना लागे
नित्य तुझे होती भास
तुटतील का रे धागे
दाटे मनात काहूर
नको हे जीवन वाटे
तुझ्याविना अशी दूर
सारे संपवावे वाटे