पालखी
पालखी
1 min
130
आम्ही पालखीचे भोई
वाटे अभिमान त्याचा
देव सोबतीस असे
भास नियमित ज्याचा||१||
पुष्प मालांनी सजली
दिसे अनोखी पालखी
देव बैसले आनंदे
सोबतीस त्यांची सखी||२||
मनोहर असे दृश्य
घुमे अस्मानी घोषणा
भक्त करती अर्चना
ध्यास तुझ्याच दर्शना||३||
लक्ष्मी नारायण जोडा
रुप न्याहाळावे किती
आली देवाची पालखी
दिंड्या पताका नाचती||४||
जयघोष करी भक्त
सारे गुलालात रंगे
गाव प्रदक्षिणा घडे
चला पालखीच्या संगे||५||