नववर्ष स्वागत

नववर्षाच्या स्वागतासाठी

आतुर वसुधा उमलली

शुभ्र मोगरा परिमल गंध

मधूकूजन कोकिळकंठी 

सण आरंभाचा पाडव्याचा

मान मिळे शुभ मुहुर्ताचा

गुढ्या तोरणे घरे सजली

शुभ दिन राघव येण्याचा

स्वागत करु नववर्षाचे

प्रथम वंदन गणेशाला

देई शक्ती नि बुद्धिसंपदा

पडो पाऊल ध्येय पथाला

देऊ हात अनाथ दीनांना

करु जीवन सुकर त्यांचे

भुकेल्यांना अन्न देऊनिया

तृप्त करुयात क्षुधाब्द्धिते

परोपकारार्थ संकल्पांची

करु पूर्तता तत्परतेने

कुणी बेघर , कुणी उपाशी

हात मदतीचा मानवतेने

एक विनवणी वर्षारंभी

परमेशा तुजला करते

दीर्घ आयुरारोग्य लाभावे

सुखी असोत तुझी लेकरे