निवडणूक
निवडणूक
निवडणूक ही। मुलभूत पाया।
लोकशाही क्रिया।देशासाठी।।१।।
मतदान हक्क।करू नका व्यर्थ।
नाही काही अर्थ।जगण्याला।।२।।
देश उन्नतीचा।करू या आग्रह।
मताचा संग्रह।देऊनिया।।३।।
चाले भ्रष्टाचार।भाषणेही देती।
स्वप्न दाखवती।नुसतीच।।४।।
पडे विसर हा।जनतेचा आता।
हाती येता सत्ता।स्वार्थासाठी।।५।।
जाणकार आहे।आम्ही मतदार।
देऊ खाजदार।योग्यतेचा।।६।।
मतांची गणना।होवो बिनचूक।
लालसेची भूक।नसावीच।।७।।
योग्य प्रतिनिधी।नसे प्रलोभन।
करी नियोजन।व्यापकच।।८।।
संकट समयी।पेलती आव्हान।
ठेवुनिया भान। समाजाचे।।९।।