नित भेट तुझी घडावी
नित भेट तुझी घडावी
1 min
121
निळ्या आसमंताखाली
नित भेट तुझी घडावी
माझ्यावर सखे तुझी
अमरप्रीत जडावी
शांत सागर किनारी
भेटाया मज तू यावी
मला पाहून गालावरची
खळी गोड खुलावी
नयनांची भाषा पाहून
शब्दांची भाषा लाजावी
प्रीत तुझ्या मनातली
न सांगता कळावी
माझ्या अंगणीची तू
रातराणी व्हावी
श्वासाची झोळी माझी
तव सुगंधाने भरावी
तुझ्या सवे संसारी
प्रीत आपुली रमावी
ये आता मम जीवनी
किती वाट तुझी पहावी?