मी असे का ?? मी असे का ??

मी असे मुकाट्याने का म्हणून जगायचे,

माझेच जगणे  असे व्यर्थ का दवडायचे??

सूर जगण्याचे मला न जरी गवसले,

माझेच गाणे मी आता का न गायचे

माझेच जगणे  असे व्यर्थ का दवडायचे??

डोळ्यातील भावना माझ्या न कोणी पाहिल्या,

हृदयातील  यातना माझ्या न कोणी जाणल्या,

दुसऱ्यांच्या  यातनांना का समजून घ्यायचे,

माझेच जगणे  असे व्यर्थ का दवडायचे??

क्षणो क्षणी मरण माझे मी यथेच्छ  भोगले,

अन शेवटी जगण्याचे मी मनासी योजिले ,

भोगलेल्या मरणाला का मिठीत घ्यायचे,

माझेच जगणे  असे व्यर्थ का दवडायचे??