मेघराजा

*दाटून आले नभ गगनी*

*आशा झाल्या पल्लवित*

*बरसणार मृग जोरात यंदा*

*बळीराजा झाला आनंदीत*

*काळीपांढरी झालर मेघांची*

*शोभून दिसे आकाशात*

*आनंदाला उधाण आले*

*पेरणी होणार जोरात*

*सजीवसृष्टीचा मिळणार चैतन्य*

*पावसाच्या बरसण्याने*

*झाली तयारी पूर्वकार्याची*

*सुखद भविष्याच्या वेधाने*

*आनंदाने नाचूगाऊ लागले*

*मोर लांडोर पशूपक्षी*

*दिवस आले लगबगीचे*

*वेळ नाही घेण्या वामकुक्षी*

*करतो मी मनोमन प्रार्थना*

*आज वरूणराजास कळकळीने*

*बरस जोमाने या वर्षी*

*शिवार भरू दे सोन्याने*