मानव जीवन
मानव जीवन
1 min
344
असे जगावे जीवन
भल्या माणसा सारखे
तुम्ही गेल्यावर जग
व्हावे प्रेमाला पारखे ।।१।।
श्रेष्ठ जन्म माणसाचा
नाही सहज मिळत
लक्ष चौऱ्याऐंशी योनी
यावे लागती फिरत ।।२।।
द्वेष मत्सराचा अंश
ठेऊ नये जीवनात
दया प्रेम भाव सदा
असू द्यावा हृदयात ।।३।।
दोन दिसाचा पाहुणा
देह सोडून जायचे
कुणा संगे भांडू नये
जिव्हाळ्याने रहायचे ।।४।।
असे जगावे जीवन
कर्म चांगले करावे
गर्जाव्यात दशदिशा
कीर्ती रूपाने उरावे ।।५।।
जीवनात संकटांची
फौज यावया लाजावी
सौख्य समृद्धी शांतता
सदा जीवनी लाभावी ।।६।।